522 عدد المشاهدات

شكون يستفاد من الدعم في تونس؟

تونس

كل الفئات الاجتماعية دون استثناء فقيرة ومتوسطة و غنية وخاصة كبار التجار و المهنيين وأصحاب المطاعم والنزل وأصحاب المشاريع الكبرى (مرطبات وحلويات)... هوما حاليا يستفادو من دعم المواد الأساسية و دعم المحروقات في تونس بنفس الطريقة.

الشيء هذا يخلي الدعم موجه بصفة أساسية للمواطنين إلي موش مستحقّتلو. هذا علاش برنامج المعرف الاجتماعي الوحيد باش يجمع العديد من الأطراف كيفما وزارة الشؤون الاجتماعية والاتحاد العام التونسي للشغل وأيضا المعهد الوطني للإحصاء وغيرها من الأطراف الأخرى على :

  • إصلاح نظام الحماية الاجتماعية؛
  • وترشيد استهلاك المواد الغذائية المدعمة؛
  • و التحكم في الأسعار ونسبة التضخم في بلادنا؛

باعتبار أنو تونس خصصت في 2017 ميزانية 1500 مليون دينار للمواد الأساسية إلي يشملها الصندوق العام للتعويض وميزانيتو في 2018 تنجّم توصل لـ1570 مليون دينار كان ما تعتمدش برنامج المعرف الاجتماعي الوحيد.

لكن باعتماد الإصلاح الاجتماعي هذا فإنو الميزانية الموجهة للصندوق العام للتعويض باش تنخفض والأموال المتبقية باش توجها الدولة لمجالات أخرى كيفما التنمية الجهوية وخلق مواطن شغل جديدة .

فيديوهات (3)